A Facultade de Xeografía e Historia haberá de afrontar unha «intervención urxente»

Os dos danos atopados na cara superior do forzado do baixo cuberta, na zona de depósito de libros sobre a sala de lectura principal da biblioteca da  Facultade de Xeografía e Historia compostelá requiren dunha resposta inmediata.

Este contexto é o que motivou o encontro que tivo lugar esta mañá entre o xerente da Universidade de Santiago, Javier Ferreira, o decano da, Marco Virgilio García Quintela, e o delegado do Goberno en Galicia, Pedro Blanco Lobeiras, e no cal se abordou a elaboración dun plan que permita garantir canto antes a seguridade do edificio logo

«De forma inmediata, aínda que provisional, é preciso proceder ao traslado dos fondos bibliográficos aí aloxados», sinalou a USC a través dun comunicado.

Como se puxo de manifesto na xuntanza, «trátase dunha intervención urxente que debe implicar como primeiro paso a descarga de peso para reducir o volume de libros almacenados así como o cambio de dirección dos andeis de acordo cun informe técnico elaborado recentemente para avaliar a situación dada a gravidade», engadiu a propia Universidade.

Esta actuación sería a primeira fase dunha intervención integral no conxunto da biblioteca, orzamentada en 6,78 millóns de euros, que garantiría a «seguridade estrutural así como a mellora do comportamento enerxético destes espazos e a racionalidade de uso das estancias».

Esta xuntanza, por outra banda, súmase ao chamamento realizado dende a USC a todas as institucións do Consorcio de Santiago de Compostela (Concello de Santiago, Xunta de Galicia e Goberno de España), autor do Plan Director da Facultade que contempla a necesidade de acometer unha «profunda reforma do edificio, afectado no só polo paso do tempo senón tamén por deficiencias estruturais que afectan a seguridade e a habitabilidade do edificio».