Últimos días para desfrutar de ‘Miradas de Compostela’, de José Yáñez

O Claustro Alto do Colexio de Fonseca acolleu desde o pasado 20 de xuño a exposición de debuxos «Miradas a Compostela», do artista José Yáñez, a cal despídese próximamente: o próximo venres día 30.

«Sentado na miña cadeira portátil, debuxo diferentes ángulos da cidade, buscando encadres que capturen a diversidade das nosas arquitecturas urbanas. O románico, gótico e barroco, así como a arquitectura modernista, racionalista, ecléctica, contemporánea e popular, son os temas principais da miña atención», comenta Yáñez acerca da mostra.

Arquitecto técnico, enxeñeiro de edificación e doutor en Historia da Arte, José Manuel Yáñez Rodríguez desempeñou o cargo de xefe do Servizo de Arquitectura e Mantemento na Deputación da Coruña. Durante 38 anos, foi profesor nas Universidades de Santiago de Compostela e A Coruña. Impartiu numerosas conferencias sobre patrimonio, a súa xestión e conservación, e é autor de 16 libros e cartafoles de debuxo dedicados ao patrimonio edificado. Ademais, escribe regularmente artigos sobre patrimonio en revistas especializadas e recibiu varios premios de investigación.

Como pintor, Yáñez realizou numerosas exposicións individuais e colectivas en diferentes cidades de España. A súa obra forma parte de coleccións de institucións públicas e coleccionistas privados.

A exposición pode visitarse nestes os seus últimos días en horario de 11 a 14 horas.