O Armario chega a Santiago da man da actriz María Vázquez

Para ser actriz fai falla moito talento, traballo e resilencia. Porén, tamén é importante conseguir un bo traballo estético. A actriz María Vázquez atopou esa complicidade entre os deseños de Ana Prados e, así, foi como experimentaron un frechazo que as uniu durante todas as galas ás que Maruxa tivo que asistir con Matria, o primeiro filme do director Álvaro Gago.

Todo esta historia está dispoñible dende hoxe no cuarto capítulo de O Armario, un proxecto dixital producido por Xurdir S.L. para a nova plataforma da Televisión de Galicia. Nas primeiras entregas xa se puido coñecer o gardarroupa de Cés, a avoa Magda e Davide Salvado. No ecuador da temporada toca indagar na pasarela de María Vázquez por certames tan coñecidos como o Festival Internacional de Cinema de Berlín ou o Festival de San Sebastián.