Cortes de tráfico e cambios no transporte urbano este fin de semana

Durante as xornadas do sábado 31 de agosto e do domingo 1 de setembro, a rúa das Casas Novas permanecerá pechada ao tráfico debido á celebración das festas do barrio. O corte afectará ao tramo entre a rúa do Empedrado e a rúa de San Paio do Monte. Os vehículos que necesiten circular por esta zona poderán empregar estas dúas rúas como desvío alternativo.

TRANSPORTE URBANO

Como consecuencia deste corte, o sábado e o domingo os autobuses non subirán a costa de Casas Novas, realizando as paradas máis próximas na zona de Santa Isabel. Esta alteración afectará aos servizos de prolongación da liña 4 o sábado pola tarde e durante todo o domingo.

Quedarán suprimidas as seguintes paradas: (615) Sto. Ignacio do Monte; (179 e 180) Casas Novas nº 53 e 55; (177 e 178) Casas Novas nº 10 e cruce Monte Pío; (207 e 208) Costa de Santa Isabel nº 16 e 18; (384) Ponte da Asén; e (160 e 161) Campo de Santa Isabel.