A USC estivo presente na Conferencia Internacional sobre Economía Azul celebrada en Croacia

A Conferencia Internacional sobre Economía Azul tivo lugar estes días na cidade croata de Zadar, unha cita na que se reflexionou sobre cuestións relacionadas cos aspectos sociais, ambientais e económicos e que contou con representación da USC, cun Centro Interdisciplinar de Investigación en Tecnoloxías Ambientais (CRETUS) que formou parte do comité científico e organizador da encontro.

Nesta conferencia internacional RethinkBlue, organizada pola Acción COST da UE ‘Repensar a economía azul: Impactos socioecolóxicos e oportunidades’, participou un equipo liderado polo profesor da USC Sebastián Villasante, co coordinador do WP2 ‘Food security & sustainable blue consumption’.

Entre as cuestións abordadas durante o evento, destacaron temas como as ocupacións marítimas; a seguridade alimentaria, o consumo azul sostible, as cidades portuarias, as comunidades costeiras, a gobernanza da pesca, o turismo mariño, as actividades emerxentes, o cambio climático e os riscos naturais.