«A cidade é moito máis insegura desde que chegaron ao goberno», Verea carga contra o aumento da criminalidade e a inacción de BNG e CA

O líder popular Borja Verea mostrouse hoxe contundente ao esixir responsabilidades ao Goberno local en relación ao «aumento descontrolado» da criminalidade na capital compostelá.

“A cidade é moito máis insegura desde que chegaron ao goberno CA, PSOE e agora BNG”, destacou Verea

«Os datos son teimudos, os delitos por tráfico de drogas medraron desde o 2019 nun 500%, os roubos con forza en establecementos subiron un 71% respecto ao ano pasado (o maior incremento da serie histórica), temos a maior incremento da provincia, temos unhas ratios de delincuencia por cada mil habitantes (48/mil hab.) que duplican a dos Concellos limítrofes», sinalou o popular, quen criticou que, a pesar destas cifras, «o BNG mira cara a outro lado, ponse de perfil».

«É hora de que o BNG e CA se poñan a traballar do lado dos veciños e comerciantes, que están a padecer un incremento da criminalidade como nunca antes tivera sufrido Santiago”, continuou o líder da oposición, poñendo o acento na negativa do Goberno a implementar as medidas que o Partido Popular puxo «enriba da mesa hai meses xa»

«Incremento de efectivos de policía, melloras na iluminación da cidade e posta a gravar das cámaras de videovixiancia”, detallou Verea.

Ademais, este remarcou  que os nacionalistas non dan «unha razón convincente de porque non queren que se empreguen as cámaras».  e, a tenor do que están facendo,

“Queda claro que para o BNG, PSOE e CA a seguridade non é unha prioridade”, afirmou Verea, quen criticou que a inversión neste frente «non é economicamente rendible, pero para os nacionalistas si é imprescindible ter varios multamóbiles circulando pola cidade, recollendo imaxes para multar e sancionado a miles de automobilistas”.

“Desde o Partido Popular de Santiago, esiximos ao BNG a que cambie, actualice, configure e adapte as cámaras de videovixilancia, co fin de que graven imaxes, sempre ao servizo dos Órganos xudiciais e policía, é dicir, traballar ao servizo dos veciños e da súa seguridade”, remarcou este.