O Consello de Europa pide que se perita o uso do galego nas materias científicas

O Consello de Europa realizou unha avaliación de España sobre a Carta europea de Linguas Rexionais e Minoritarias, pola cal tivo que dar recomendacións para que se cumpra. Como, por exemplo, que se eliminar os obstáculos que ten o galego no eido do ensino en materias científicas.

Os expertos móstranse preocupados porque non se cumpran cos compromisos contraídos en virtude do acordo, de maneira que lanzan ata 4 recomendacións «de acción inmediata» para que se garanta este dereito tanto na educación pública como na privada.

Sinálase que é necesario eliminar as limitacións que impiden o uso do idioma en materias como matemáticas, física, química ou tecnoloxía, amparada no decreto 79/2010 que aprobou o goberno da Xunta, apoiado polo Partido Popular, e que foi moi criticado tanto pola comunidade educativa como polos principais partidos da oposición. Tamén recomendan que se adopten medidas para fortalecer o uso do galego no sistema sanitario e de administración.

Entre as demandas dos expertos tamén está a de velar polo funcionamento da lexislación para que «garanta que os tribunais leven a cabo procedementos penais, civís e administrativos en galego a pedimento dunha das partes, e adoptar medidas para garantir que isto se cumpra na práctica».

En materia educativa, tamén solicitan que o ensino en galego «estea dispoñible en todos os niveis», que se adopten medidas para garantir «unha presenza proporcionada» en preescolar; e que se elaboren «materiais didácticos en galego para o ensino técnico e profesional, incluída o ensino a distancia»