Lugo, escenario da batalla final polo título entre Senra e Meira

Apaixoante fin de tempada o que se presenta na última proba puntuable para o Campionato Xunta de Galicia de Rallyes – Recalvi. O Rally San Froilán, na súa 47 edición será o xuiz da loita polo título de campión galego. Víctor Senra (con José Murado) e Alberto Meira (nesta ocasión con Unai Conde) xóganse nos treitos lucenses o cetro con tódalas opcións abertas e a irrupción a última hora dun Iván Ares, que acompañado por Javi Martínez pode ser crucial.

Ademáis da loita polo campionato absoluto Lugo será tamén o escenario onde se decidirán a Top Ten Pirelli Driver Autia B e C, a Challenge R2 – Staroil, o Clio Trophy Galicia e a Sandero Eco Cup Galicia nunha carreira con case 100 quilómetros contra o cronómetro.

Desta forma, as verificacións comezarán de forma optativa ás 09:00 horas, coas 12 do mediodía como punto de comezo obrigatorio. Posteriormente, ás 19:30 horas, turno para a cerimonia de saída en sentido inverso dende a Praza da Horta, en pleno corazón de Lugo.

Xa no sábado a actividad comezará ás 08:35 horas coa primeira pasada polo treito de Outeiro de Rei. O primeiro participante chegará novamente á praza da Horta despois de completar os oito treitos cronometrados ás 23:35.

A entrega de premios oficial terá lugar na Deputación de Lugo o domingo ás 12:00 horas do mediodía.

Os tempos online poden consultarse na seguinte ligazón:

TEMPOS ONLINE SAN FROILÁN 2025

O Sportity da proba é: SANFROILAN2025