II Proba da Liga Galega de Marcha Nórdica celebrada na Estación de Manzaneda, Ourense

F.G.M.

Esta pasada fin de semana tivo lugar na estación de esquí e montaña de Manzaneda a segunda proba da Copa Galega de Marcha Nórdica, organizada polo club Asesou en colaboración coa Federación Galega de Montañismo.

Arredor de 40 persoas desfrutaron dun día de deporte, diversión, compañeirismo e da experiencia desta disciplina, que cada vez é máis popular en Galicia.
O día estaba nubrado e con baixas temperaturas, perfecto para facer exercicio sen suar e sen choiva.
Os asistentes desfrutaron do percorrido, do contorno e das empanadas, que case remataron.
Por último, houbo un sorteo de produtos locais, permitindo que todos os participantes os descubrisen e apreciasen a súa calidade, grazas á súa artesanía. Finalmente, queremos agradecer aos voluntarios de Asesou que se aseguraron de que todo transcorrese sen problemas e aos árbitros da Federación Galega de Montañismo que tamén dedicaron o seu tempo a axudar a promover este marabilloso deporte.

GALERÍA: