O alcalde Ramón Tojo felicita a Josefina Lago polo seu 101 aniversario

O alcalde de Rois, Ramón Tojo Lens, felicitou a Josefina Lago Rey polo seu 101 aniversario nunha visita na que comprobou o bo estado de saúde e o bo humor desta veciña de Macedos, na parroquia de Urdilde.

Josefina, que cumpriu anos o 2 de maio, recibiu como agasallo por parte do Concello un retrato, un ramo de flores e unha agarimosa felicitación.