Nomeamento de dous novos sacerdotes para o Concello de Oroso

C.O.

Recentemente celebrouse na igrexa da Barciela o acto de creación da nova Unidade Pastoral Oroso-Sigüeiro e a toma de posesión dos dous sacerdotes que se farán cargo da mesma: D. José Luís Rey Tear e D. Enrique Alonso Alonso, presidido polo Arcebispo de Santiago de Compostela, Monseñor Francisco José Prieto.

A nova unidade pastoral estará formada por todas as parroquias do Concello de Oroso (agás Marzoa, que continuará como ata o de agora) xunto con Beán (Ordes) e Moar e Aiazo (Frades).

Posteriormente, Monseñor Francisco José Prieto realizou unha visita institucional á Casa Consistorial de Oroso, acompañado polo alcalde Álex Doval, nun encontro cordial no que se destacou a importancia de seguir traballando pola comunidade e polos valores que nos unen.

Unidade pastoral Oroso-Sigüeiro

Barciela • Oroso • Deixebre • Trasmonte • A Gándara • Vilarromarís • Cardama • Senra • Os Ánxeles • Calvente • Pasarelos • Aiazo • Moar • Beán