Camila Casagrande pecha a tempada cun bronce no Campionato de España de Kickboxing e ouro na Liga FITE Galicia de Taekwon‑Do

Camila Casagrande, natural de Deixebre (Oroso), conseguiu o 3º posto no Campionato de España Júnior de Kickboxing, celebrado en Guadalajara na categoría Cadete Maior Kick Light −60 kg feminino. Este logro pon un broche de ouro a unha temporada brillando en diferentes disciplinas.

Outras vitorias na tempada

Ademais do éxito no kickboxing, Camila proclamouse campioa da Liga FITE Galicia 2025 de Taekwon‑Do ITFU na final celebrada o 5 de abril no Liceo de Noia, onde levou o ouro en Combate Infantil Femenino grupo A.