Avelino Souto e Pablo Areán entregan a terceira remesa deste ano de cestas natalicias a 13 familias lalinenses

O concelleiro de Política Social e Infancia, Avelino Souto, e o edil de Urbanismo, Pablo Areán entregaron as cestas de benvida á natalidade a 13 familias, sendo 6 nenas e 7 nenos beneficiarios/as, na que é a cuarta entrega deste ano 2025 . Estas cestas están compostas por varios produtos básicos para o coidado dos recén nacidos e como recibimento que o concello fai por estes novos lalinenses.

As familias beneficiarias son de:

• Lalín centro : 8
• Losón : 1
• Vilatuxe: 1
• Santiso : 1
• Goiás: 1
• Maceira : 1

O prazo de presentación de solicitudes estará aberto durante todo o ano 2025. Para aqueles nacementos, adopcións ou constitucións de tutela que se produzan no mes de decembro de 2025, o prazo estará aberto ata o 20 de xaneiro de 2026.

Beneficiarios

Poderán ser beneficiarios/as destas axudas aquelas persoas que sexan proxenitoras dunha crianza nacida entre o 1 de xaneiro de 2025 e o 31 de decembro de 2025; adoptantes ou declaradas en situación de garda con fins adoptivos dun/dunha menor, sempre que a constitución da adopción ou a declaración de garda con fins adoptivos teña lugar entre o 1 de xaneiro de 2025 e o 31 de decembro de 2025; ou que sexan titores/as dun/dunha menor, sempre que a constitución da tutela se faga entre o 1 de xaneiro de 2025 e o 31 de decembro de 2025.